Інтэрактыўная платформа патрыятычнага выхавання "Патриот.by" (https://patriot.rcek.by/) створана з мэтай удасканалення ва ўстановах адукацыі арганізацыі патрыятычнага выхавання навучэнцаў і павышэння яго якасці.
Задачы працы платформы:
стварэнне адзінай інфармацыйнай прасторы, якая аб'ядноўвае дзейнасць устаноў адукацыі, грамадскіх аб'яднанняў, міністэрстваў, ведамстваў і арганізацый па патрыятычным выхаванні навучэнцаў;
кансалідацыя нарматыўных прававых, метадычных, інфармацыйных, навучальных і іншых матэрыялаў па патрыятычным выхаванні;
папулярызацыя дзейнасці ў галіне патрыятычнага выхавання праз прыцягненне шырокай аўдыторыі ўдзельнікаў з дапамогай трансляцыі праводзімых мерапрыемстваў;
развіццё новых форм і метадаў патрыятычнага выхавання шляхам абмену вопытам і думкамі зацікаўленых удзельнікаў;
стварэнне ўмоў для ўдасканалення інфармацыйнай культуры навучэнцаў, педагагічных работнікаў, іншых зацікаўленых.
Каардынатарам платформы з'яўляецца Рэспубліканскі цэнтр экалогіі і краязнаўства, які арганізуе яе працу ва ўзаемасувязі з партнёрамі – установамі і арганізацыямі Рэспублікі.